Në këto ditë me temperatura të larta, uji i freskët është mënyra më e mirë për ta përballuar të nxehtin. Me këtë ide, Policia Bashkiake e Shkodrës ka shpërndarë shishe uji për kalimtarë të rastësishëm në rrugët e qytetit. Lidhur me këtë nismë, ka reaguar në rrjetet sociale edhe kryebashkiaku Benet Beci.
“Një gjest sa human aq edhe sensibilizues për të gjithë. Efektivët e Policisë Bashkiake pranë banorëve të Shkodrës, duke u shpërndarë ujë për t’u bërë ballë temperaturave ekstreme. mirënjohje për shembullin që përcjellin.”, shkruan qytetari i parë i Shkodrës në rrjetet.
