Rritja e pritshme e njoftuar e çmimit të ujit të pijshëm në 5 bashkitë e qarkut Shkodër, është rikthyer sërish në vemendje nga selia blu lokale. Ishte deputetja demokrate Greta Bardeli, ajo që në një dalje për mediat, kërkoi të ndalet rritja e çmimit të ujit të pijshëm në Shkodër.
Teksa ka fajësuar Bashkinë Shkodër për këtë rritje, deputetja Bardeli ka bërë një panoramë të situatës së rëndë ekonomike sipas saj, e cila po rritet edhe më shumë me rritjen e çmimit të ujit.
Ajo ka bërë me dije se vetëm qytetarët e saj mund të vendosin për Shkodrën, duke paralajmëruar edhe dalje në vijim për tema me ndjeshmëri sociale, kjo në emër të transparencës me shkodranët.
