Atmosfera te Vllaznia ka ndryshuar teresisht pas dy fitoreve te fundit dhe sidomos pas asaj ne transferte me Tiranen. Nje gje te tille e konstaton edhe vete trajneri Qatip Osmani i cili nderkohe ben thirrje per kujdes ne ndeshjen e rradhes, ate ndaj Skenderbeut.
Ne konferencen e shtypit te kesaj pragndeshje, numri 1 i pankines kuqeblu ka vleresuar korçaret si nje kundershtar shume i veshtire, megjithate ka shprehur bindjen se Vllaznia do te futet ne fushe me qellimin e vetem per te fituar.
“Nje atmosfere ndryshe ne skuader pas rezultateve te fundit dhe kjo gje konstatohet lehtesisht. Megjithate duhet te bejme kujdes sepse neser kemi perballe nje kundershtar me djem te rinj dhe qe luan bukur futboll.
Nuk duhet ta nenvleresojme kurrsesi Skenderbeun dhe as te kalojme ne eufori sepse ne fund te fundit nuk kemi bere asgje me shume sesa detyren. Te futemi ne fushe per te bere me te miren dhe ta synojme fort fitoren per ta mbyllur si duhet kete vit.
Kemi dy mungesa te rendesishme siç jane Hakaj dhe Smajli, por do te mundohemi t’i zevendesojme me lojtaret e tjere. Sa i takon merkatos, kane filluar te permenden emra por nuk ka asgje konkrete deri tani”- eshte shprehur trajneri Osmani.
