Shkruan në Facebook kryetari i Bashkisë Shkodër Benet Beci: Në prag të nisjes së vitit të ri shkollor, bashkë me prefekten Majlinda Angoni Jubani, drejtues të Bashkisë dhe përfaqësues të firmave që kanë ndërhyrë në këto ndërtesa, inspektuam nga afër disa prej shkollave që i janë nënshtruar rikonstruksionit.
Në shkollën “Ismet Sali Bruçaj”, është kryer faza e parë e ndërtimit të shtesës së mjediseve të reja, ndërkohë që bashkia Shkodër po miraton edhe fondin për fazën e dytë të kësaj godine. Në shkollën “Azem Hajdari” është kryer faza e pare e rikonstruksionit ku kanë qënë të përfshira punimet e brendshme.
Ndërkohë që gjatë inspektimeve kemi parë nga afër edhe punimet e brëndëshme nga punonjësit e bashkisë në shkollën “Branko Kadia” dhe “Ndoc Mazi”, ku janë bërë të mundur ndërhyrje emergjente në disa mjedise, pas kërkesave që janë bërë nga stafi pedagogjik dhe drejtuesit e shkollave me qëllim që viti i ri shkollorë t’i gjejë këto shkolla në kushte optimale për nisjen e vitit shkollor 2023-2024.
