“Gjithmonë kemi marrë nga energjia pozitive e Shkodrës dhe e shkodranëve, ndaj si KESH vendosëm që lulen e parë në Shqipëri që prodhon energji nga dielli, t’ia propozojmë Bashkisë, që ta vendosim aty në Shkodër.
Vërtet nuk është një lulebore, por një luledielli smart që prodhon energji të pastër.
Kemi diskutuar për disa vende se ku mund të instalohet “SmartFlower”, por ju mund të na sugjeroni dhe vendndodhje të tjera që ju duken më të përshtatshme.
Propozimet deri tani janë si më poshtë, ku ju mund të zgjidhni të preferuarin tuaj duke komentuar:
1. Sheshi i ri i Shirokës
2. Lulishtja pranë gjimnazit 28 Nëntori.
3. Lulishtja pranë Urës së Bunës
4. Në Piacë
5. Pranë Bashkisë
Në datën 13 Nëntor ora 1 PM do të publikojmë rezultatet e sondazhit në faqen tonë.”, thuhet në një njoftim në faqen zyrtare në Facebook të KESH- Koorporata Elektroenergjitike Shqiptare.
