Banorët e Baks- Rrjoll kanë protestuar sërish para SPAK në Tiranë, duke kërkuar ndërhyrje për zgjidhjen e konfliktit mes tyre dhe investitorit Bashkim Ulaj për ndërtimin e një resorti turistik në Velipojë.
Ata nuk kanë kursyer as vezët, drejtuar ndërtesës, në shenjë zemërimi për mos reagimin e Prokurorisë së Posaçme, teksa kanë thënë se tek Prokuroria e Shkodrës nuk kanë më asnjë shpresë për zgjidhje.
Përfaqësuesi i banorëve, Prek Molla ka bërë sërish një paraqitje të fakteve të manipulimit, sipas tij, që ka sjellë grabitjen e pronës. Ai ka kërkuar reagim të institucioneve, duke paralajmëruar se situata po shkon drejt gjakderdhjes.
