Kombëtarja shqiptare e futbollit e ka mbyllur Grupin K kualifikues të Kupës së Botës 2026 në vendin e dytë me 14 pikë, pas katër fitoreve, dy barazimeve dhe dy humbjeve (të dyja me Anglinë). Kuqezinjtë e Sylvinhos tanimë e kanë siguruar fazën play-off dhe më 20 nëntor do mësojnë rivalin për ndeshjen që do luhet më 26 mars 2026.
Finalet e Botërorit për kuqezinjtë kalojnë nga play-off, ndërsa Anglia si e para e grupit e ka siguruar vendin në eventin që do zhvillohet verën që vjen në Amerikën e Veriut.
Në këtë ndeshje, lajm i keq për Armando Brojën, i cili në minutën e 89- të doli me barelë nga fusha e blertë. Dyshimet janë për një dëmtim serioz të sulmuesit, i cili po kalon një periudhë aspak të mirë dhe një dëmtim tjetër do të ishte goditje mjaft e rëndë jo vetëm për të por edhe Kombëtaren kuqezi.
