Kryeministri Edi Rama mbajti fjalën e tij në festën e organizuar për 34-vjetorin e themelimit të Partisë Socialiste.
Pasi uroi socialistët për 34-vjetorin e themelimit të kësaj partie, Rama vuri theksin te fitorja e mandatit të katërt qeverisës. Sipas tij, ky mandat lidhet me një besim të jashtëzakonshëm si asnjëherë më parë për PS-në.
Sakaq, Rama nënvizoi se megjithë mandatet e shumta që mori PS, ka një përbërje me prurje të reja.
Ky rinovim i skuadrës së PS, për Ramën do përballojë sfidat në parlamentin e ardhshëm, që do jetë shtylla e anëtarësimin në BE.
Kryeministri Edi Rama, nuk i ka kursyer batutat me socialistët e pranishëm në selinë rozë me rastin e 34-vjetorit të krijimit të PS, ku përmendi Arta Daden dhe Gramoz Ruçin.
Teksa falenderoi të pranishmit, Rama u ndal te Dade, për të cilën u shpreh se nuk i ndahet asnjëherë, ndërsa i tha: “zyshe, shyqyr që të kemi”.
Kreu i PS u ndal dhe te Gramoz Ruçi, që siç Rama tha është i pranishëm në çdo event, dhe kjo sipas tij është shenjë që PS është në rrugën e duhur.
“Edhe shokun Gramoz, që sa kohe që do ta shoh këtu, jam i sigurte që partia është në rrugën e duhur. Shqetësohuni në ditën kur do mungoj Gramozi në këtë oborr, por atëherë nuk do jem as unë, kështu që shihni e bëni”, tha Rama.
Kryeministri përmendi dhe Frok Çupin me Ylli Rakipin, ku për këtë të fundit u shpreh duke thënë: Të falenderoja për praninë, jemi shumë të qartë që nuk je me ne. Pavarësisht se mund të rrish me Filip Çakullin, prape se prapë nuk bëhesh me ne.
Rama theksoi PS tashmë ka një skuadër mbështetëse premtuese në të gjitha njësitë administrative.
Kjo skuadër, kryeministri shtoi se do angazhohet për të zbuluar më të mirët dhe për t’i ngarkuar me përgjegjësi në sfidat që e presin vendin 4 vitet e ardhshme.
Sakaq, Rama shtoi se Partia Socialiste, në këtë mënyrë do mbështetet te më premtuesit.
