Raportohet për shpërthim me lëndë plasëse tek “Arra e Madhe” në Shkodër. Një mjet i parkuar ka shpërthyer ndërsa një person është i dëmtuar jashtë rrezikut për jetën.
I plagosur raportohet paraprakisht se është Enea Buzuku, punonjës i Tatimeve Shkodër.
Shkodër/Informacion paraprak
Rreth orës 11:35, në lagjen “Ndoc Mazi”, në momentin që shtetasi E. B. ka ndezur automjetin e tij, ka shpërthyer një sasi lënde plasëse në automjet.
Si pasojë është dëmtuar shtetasi E. B., 38 vjeç, i cili është dërguar në spital dhe aktualisht është jashtë rrezikut për jetën.
Grupi hetimor, në drejtimin e Prokurorisë, po kryen veprimet për zbardhjen e rrethanave të rastit, identifikimin dhe kapjen e autorit/ëve.
