Në orët e para të mëngjesit të sotëm, një shpërthim ka tronditur lagjen “Rus” në Shkodër. Një sasi tritoli i është vënë në makine të parkuar në rrugën “Martin Camaj”. Fatmirësisht, nga shpërthimi ka patur vetëm dëme të vogla materiale.
ShkodraWeb ka siguruar një video pak momente pas shpërthimit të ndodhur. Në vendngjarje, shihen forca të shumta policie, të cilat sigurojnë vendngjarjen dhe nisin hetimin.
Makina që iu vu lëndë plasëse, është e një shtetasi, të identifikuar nga policia e Shkodrës si Alban Bushati, 37 vjeç. Vetë ky person, nuk ka asnjë dyshim se kush mund të jetë autori apo autorët e kësaj ngjarje.
