Linda Idrizi, është shkodranja e cila kandidon për Liberal Demokratët e Anglisë! E lindur dhe e rritur në Shkodër, ajo emigroi në Londër në vitin 2012 së bashku me familjen e Saj.
Si për çdo emigrant shqiptar, fillimet larg vëndit të tyre ishin të vështira për znj.Idrizi dhe familjen por falë këmbënguljes, ajo shunë shpejt u integrua me jetën e re në Londër dhe vendosi t’i dedikohet edhe politikës, që shqiptarët e Anglisë të kenë dhe një përfaqësuese shqiptare në një ndër pozicionet e rëndësishme atje, siç është Këshilli Bashkiak në Surrey të Londrës!
Linda 41 vjeçare ka përfunduar studimet e larta pranë Universiteteve të Shkodrës dhe të Tiranës në degët “Cikël i Ulët”, “Agrobiznes” dhe “Juridik”.
Duke vijuar më tej edhe specializimin dhe diploma Master. Në Londër, ajo ka vijuar të ndjekë trajnime dhe kualifikime të ndryshme në fushën e edukimit ku për rreth 14 vite ka punuar në industrinë e edukimit në Angli, duke u zhvilluar vazhdimisht dhe duke fituar përvojë të vlefshme.
Nëna e tre vajzave, të cilat kanë lindur dhe janë rritur në Londër tashmë i është përkushtuar edhe angazhimit politik në Mbretërinë e Bashkuar duke u bërë pjesë e Liberal Democratëve, ku nisi edhe rrugëtimi e saj politik në këtë vend. Ëndrra e Lindës për politikën ka qenë gjithmonë e lidhur jo me pushtetin, por me shërbimin ndaj njerëzve, për të qënë pranë nevojave të tyre, pasi ajo ka treguar gjithmonë përkushtim dhe angazhim të vazhdueshëm në politikë, jo vetëm në Mbretërinë e Bashkuar, por edhe më herët në Shqipëri. Përvoja e saj e gjatë dhe dëshira për të kontribuar për komunitetin e bëjnë atë një zë të fortë dhe të besueshëm për përfaqësimin e qytetarëve.
Linda Idrizi ka qenë gjithmonë aktive në çështjet publike, duke u përpjekur të sjellë ndryshim pozitiv dhe të mbrojë interesat e njerëzve. Angazhimi i saj ndër vite tregon qartë seriozitetin dhe pasionin që ajo ka për politikën dhe për shërbimin ndaj komunitetit.
Mbështetja për Lindën nuk është vetëm një zgjedhje individuale, por edhe një mënyrë për të forcuar zërin e shqiptarëve në institucionet vendimmarrëse. Ajo përfaqëson jo vetëm veten, por një komunitet të tërë që dëshiron të jetë më i dëgjuar dhe më i përfaqësuar.
Le ta mbështesim Lindën në këtë rrugëtim të rëndësishëm! /ShkodraWeb/
