Një ndërrim ndryshe vitesh në Shkodër ky i sivjetmi. Mesnata ka zënë në sheshin e festës 1- mujore pranë Bashkisë Shkodër, me mijëra qytetarë të moshave të ndryshme, nga të moshuarit, deri tek fëmijët.
Ata iu përgjigjën ftesës së kryebashkiakut Benet Beci për të pritur ndërrimin e viteve të gjithë bashkë në shesh. Si në shumë kryeqytete të Europës, viti i ri është pritur me numërimin mbrapsht të sekondave të fundit të vitit të vjetës.
Më pas ka nisur një spektakël fishekzjarresh që ka zgjatur për shumë minuta, duke i lënë vendin koncertit të këngëtarit të mirënjohur shkodran Sidrit Bejleri, i cili ka ndezur atmosferën për disa orë.
