Shkodra po konfirmohet gjithnjë e më shumë si një nga destinacionet më tërheqëse turistike në Shqipëri, duke regjistruar një rritje të qëndrueshme të vizitorëve gjatë viteve të fundit. Turizmi në bashkinë Shkodër është tashmë një realitet i prekshëm ekonomik dhe një sektor i rëndësishëm për zhvillimin e gjithë territorit.
Në vitin 2024, Bashkia Shkodër ka shënuar një rritje prej 30% të netëve të fjetjes krahasuar me vitin 2023 dhe thuajse dyfishim krahasuar me vitin 2022.
Thethi dhe zona të tjera malore janë ndër destinacionet më të vizituara, falë edhe investimeve të rëndësishme në infrastrukturë.
Velipoja po forcon pozitën si qendër turistike në veri, ndërsa qyteti i Shkodrës po tërheq vizitorë gjatë gjithë vitit, falë historisë, kulturës dhe mikpritjes së banorëve.
Kjo rritje është rezultat i një strategjie afatgjatë që përfshin:
* Investime në infrastrukturë
* Promovim të qëndrueshëm
* Mbështetje për ekonominë lokale
Me mbështetjen e Qeverisë Shqiptare, angazhohemi për zhvillimin e produkteve të reja turistike në rajonin tonë:
* Përmirësimi i infrastrukturës së lundrimit të brendshëm në Liqenin e Shkodrës, Vaut të Dejës dhe Komanit.
* Studimi dhe zbatimi i projektit për lundrim në lumin Buna, që lidh Detin Adriatik, lumin Buna dhe liqenin e Shkodrës – një produkt unik turistik.
* Ndërtimi i një rruge të dedikuar për biçikleta, rreth 100 km, që do të lidhë bregun e liqenit në Shkodër, Malësinë e Madhe, lumin Buna, Velipojën dhe Shëngjinin.
* Krijimi i një rrjeti muzeal, për forcimin e trashëgimisë kulturore dhe zhvillimin e turizmit kulturor.
Interesimi i investitorëve privatë në turizëm është rritur ndjeshëm, veçanërisht në zonat malore, bregdetare dhe në qytetin e Shkodrës të nxitur nga paketa e maleve, investimet publike dhe interesi në rrijte për Shkodrën Investimet pritet të krijojnë qindra vende të reja pune gjatë ndërtimit dhe operimit.
Zgjedhja është e qartë – më 11 maj, votoni numrin 5! Për vazhdimësinë e investimeve, për më shumë mundësi dhe për një Shkodër turistike. /Nga Marjana KOÇEKU, kryesuese e listës së kandidatëve për deputetë të PS- së për qarkun Shkodër/
