Banorët e njësisë administrative Bushat, kanë protestuar kundër bashkisë Vau Dejës pasi pretendojne se kane abuzuar me tenderat për rikonstruksionin e rrugëve.
Të mbështetur nga kryetari i PD-së Vau Dejës Berndard Ndreca, ata kërkojnë që bashkia të vijojë rikonstruksionin e rrugëve ashtu siç ishte parashikuar në vitin 2021, kur u mor vendimi për sistemimin e këtyre rrugëve.
Në këtë zonë janë disa rrugë të cilat kanë mbetur peng i tenderave dhe premtimeve të parealizuara nga bashkia Vau Dejës, ndërkohë banorët kërkojnë që taksat e tyre të kthehen në investime të mirëfillta për përmirësimin e kushteve të jetesës.
