Treva e Malësisë së Madhe njihet ndër shekuj për traditat e saj të veçanta, të cilat e kanë bërë të identifikohet në Shqipëri dhe përtej saj. Nga brezi në brez, këto tradita janë përcjellë, ruajtur e pasuruar.
Pikërisht në këtë linjë ishte edhe aktiviteti më i fundit i organizuar në Bajzë, në vendin që njihet në histori si “Shpella e frashnit”. “Rron tradita në Malësi të Madhe”, ishte organizuar me mjaft dëshirë e përkushtim nga gjimnazi “Dodë Kaçaj” i Bajzës dhe historiania Rita Shkurtaj.
I pranishëm në këtë aktivitet, ishte edhe kryebashkiaku i Malësisë së Madhe Tonin Marinaj. Në një fjalë të shkurtër përshendetëse, Marinaj ka vlerësuar talentin e të rinjve malësorë në shumë disiplina të artit por edhe për promovimin e vlerave të Malësisë së Madhe.
Të rinjtë spikasin në interpretim artistik, pikturë, valle tradicionale e moderne, ndërsa Marinaj ka premtuar se do të mbështesë këto aktivitete në vijmësi, me synim promovimin e vlerave dhe traditave të Malësisë së Madhe.
