Lorenc Luka, ish- kryebashkiak i Shkodrës është pozicionuar në krah të “Foltores” së Sali Berishës. Me fillimin e lëvizjes brenda PD- së nga ish- kryeministri Berisha, ai u rreshtua menjëherë pro.
Ai mori pjesë edhe në “Foltoren” e organizuar në Shkodër dhe mund të konsiderohet ndër organizatorët e lëvizjes së iniciuar nga Berisha. Ditën e sotme, Luka ka votuar në referendumin për shkarkimin e Lulzim Bashës.
Para gazetarëve ai ka përcjellë mesazhet e tij, duke vlerësuar referendumin por edhe duke kritikuar dyshen Basha- Bardhi në krye të PD- së. Ai i është përgjigjur pyetjeve të gazetarëve edhe për qasjen e lidershipit aktual të PD Shkodër, rreshtuar pro Bashës.
Luka ka folur edhe në cilësinë e antarit të Komisionit të Rithemelimit të PD- së, i mandatuar nga Kuvendi Kombëtar i PD- së me 11 dhjetor. Nga viti 2017 deri në dorëzimin e mandateve nga PD në shkurt 2019, Luka ka qenë edhe deputet i PD- së. /ShkodraWeb/
