VIDEO – “Rezultati që do të marrë do të jetë më i thelli i 15 viteve të fundit”, Bardh Spahia merr mbështetje nga banorët e Shoshit

Banorët e njësisë administrative të Shoshit ishin të radhës që i dhanë garancinë e fitores kandidatit të koalicionit “Shtëpia e lirisë” Bardh Spahia. Gjatë takimit të zhvilluar me to, kandidati Spahia u njoh me problematikat që ka zona, ku shqetësim mbetet mungesa e investimeve që ka sjell shpopullimin e kësaj krahine në tërësi.

Duke e vlerësuar për rolin që ka treguar deri më sot në çdo funksion që ka mbajtur, banorët i shprehen bindjen kandidatit Spahia se rezultati që ai do të marrë do të jetë më i thelli i 15 viteve të fundit, prandaj alternativa e vetme e Shkodres është nr.2 dhe vota për koalicionin “Shtëpia e lirisë”.

Të bashkuar siç kemi ditur të jemi edhe në kohë më të vështira, ta përmbyllim këtë mision me fitoren tonë, pasi në lojë nuk është fati i një bashkie, por i demokracisë shqiptare, ishte mesazhi që ndau me banorët e Shoshit kandidati Spahia. Asnjë frymëmarrje në 6 Mars për qeverinë Rama dhe patericat e tij në këtë garë shtoi ai.

Sa më shumë afron data e zgjedhjeve të pjesshme vendore të 6 Marsit, edhe më shumë rritet mbështetja për kandidatin Bardh Spahia nga banorët e bashkisë së Shkodres, duke qënë të bindur se zgjedhja më e mirë për ta është vota për koalicionin “Shtëpia e lirisë”.