VIDEO – Reshjet intensive në Shkodër, pamje apokaliptike në pedonalen “Kolë Idromeno” të qytetit…

24 orët e fundit në territorin e Shkodrës, kanë sjellë një situatë moti të pazakonshme. Territori është përfshirë nga reshje me intensitet të lartë dhe që kanë shkaktuar problematika nga më të ndryshmet.

Në pamjet e siguruara nga ShkodraWeb shihet përmbytja e Pedonales “Kolë Idromeno”, zona tregtare më e frekuentuar e qytetit. Uji, me furinë e një lumi, ka hyrë në katet e para të njësive tregtare duke shkaktuar dëme të konsiderueshme.


Situata shihet e rëndë mëngjesin e sotëm edhe në pikën turistike të Shirokës. Siç mund ta konstatoni edhe vetë nga video, në pjesën e pedonales në qendër të Shirokës, uji buron nga nëntoka duke dalë në sipërfaqe.

Po ashtu, përgjatë aksit Shkodër- Shirokë, ka patur rrëshqitje dheu dhe intertesh duke dalë në rrugë e vështirësuar qarkullimin e mjeteve. Është e nevojshme të ndërhyhet për pastrimin e këtij aksi mjaft të frekuentuar.

Raportohet për problematike edhe nga familje të shuma, thuajse në të gjithë territorin e Bashkisë Shkodër por edhe në Bashkinë Vau- Dejës e Malësi e Madhe. Pritet që reshjet të vijojnë të paktën deri të dielën, sipas parashikimeve të sinoptikanëve.