Prej mëse 24 orësh, qarku Shkodër është përfshirë nga një ulje drastike e temperaturave duke u shoqëruar me reshje bore në male. Në akset Lëpushë- Vermosh dhe Bogë- Theth, gjatë natës ka patur reshje me intensitet të lartë bore, të cilat janë pakësuar në orët e para të mëngjesit. Sipas ARRSH është punuar pa nderprerje nga ana e firmave të kontraktuara me qëllim mbajtjen hapur të këtyre akseve.
Qarkullimi rrugor është i hapur por nevojiten goma dimërore dhe zinxhirë pasi në disa vende ka prezencë ngricash. Fundjava ka sjellë një numër më të lartë lëvizshmërie duke patur parasysh faktin se janë zona turistike. Ndaj edhe ekspertet rrugor apelojnë për shoferët që të respektojnë sinjalistikën në mënyrë që të parandalohët çdo aksident i mundshëm. Krahas heqjes së borës nga traaseja e rrugës, kompanitë kontraktore po bëjnë të mundur edhe zgjerimin e këtyre akseve. Trashësia e dëborës në Qafë Thore i kalon 30 cm.
