“Reprezalje politike në prag të mbylljes së fushatës!
Pas urdhrave të narkoshtetit të Edi Ramës dhe pushtetit lokal të Benet Becit, stenda ime si kandidate e Partisë Demokratike u hoq në mënyrë arbitrare, në shkelje flagrante të çdo rregulli e morali demokratik.
Sot, shteti diktatorial nuk u ndal — zyrtarë të bashkisë dhe strukturave të tjera u paraqitën pa paralajmërim në zyrën time elektorale, vetëm një ditë para përfundimit të fushatës, në përpjekje të qartë për presion dhe frikësim.
Ndërkohë, zyra e PS-së vetëm disa metra më tej… e paprekur.
Kjo nuk është më garë politike — është dhunë institucionale ndaj opozitës dhe qytetarëve që duan ndryshim. Por të jeni të sigurt: kjo nuk na tremb, përkundrazi, na forcon.”, thuhet në një deklaratë për mediat e kandidates për deputete të PD- ASHM për Qarkun Shkodër, Senada Mehmeti.
Ndërkohë, në media ka qarkulluar edhe shkresa e mëposhtme, në bazë të cilës duket se ka reaguar edhe Policia Bashkiake e Shkodrës për përmbushjen e urdhrit të KQZ- së.
