Të nderuar bashkëqytetarë,
Sot Shkodra u zgjua e rrethuar nga forca të shumta policie, të cilat paralizuan trafikun në rruget e qytetit për më shumë se 3 orë. Arsyeja ishte vizita e Kryeministrit antiverior, Edvin Rama. Rama erdhi në Shkodër si përherë në këto 12 vjet, me duar në xhepa, pa sjellë asnje investim konkret, madhor, duke mashtruar me bojatisje e fasada.
Edhe pse i ka të gjitha pushtetet, përfshirë Bashkinë Shkodër të cilën e mori me dhunë e para, përsëri nuk e lë urrejtja për veriun që të investoje. Shkodrën e lë tek të fundit në renditje, përsa i perket shpërndarjes së fondeve.
Shkodranët nuk gënjehen me lyerje fasadash, as me tenda tregu, e as me një fushë basketbolli në një shkolle te nje ishkomune. Shkodranët kërkojnë dinjitet nga Qeveria, kërkojnë investime serioze të cilat lenë shenjë në mirëqenien e secilit banor. Shkodranët nuk kërkojnë lëmoshe, por atë cfarë iu është premtuar në cdo fushatë.
Partia Demokratike ka lënë gati që nga 2013 projektet madhore për Shkodrën të cilat Edvin Rama nuk i ka konsideruar. Tash 12 vite, Shkodra jonë po shpopullohet dita ditës, për shkak të varfërimit që i ka bërë Qeveria e bijve të komunizmit. Kërkojnë tua fshijnë memorjen qytetit tonë, duke kërkuar të shndërrojnë lagjet tradicionale në lagje pa identitet. Kërkojnë ta kthejnë Shkodrën e artit e kulturës, në qytetin e ahengut komercial. Kërkojnë ta boshatisin këtë qytet me histori, për ta zëvendësuar me emigrantë të botes së tretë.
Urrejtja që ka Rama është tepër e madhe, prandaj Qarku jonë renditet ndër qarqet më të varfra në rang Kombëtar, për pasojë edhe emigracioni është tepër i madh. Banorët e Shkodrës kanë memorje, dijnë të bëjnë diferencën mes dy qeverisjeve. Kuptojnë kush e kërkon pushtetin dhe për cfarë. Shkodranët janë të zgjuar dhe e dijnë që Rama sikur të rrijë në Qeveri edhe 100 vjet, Shkodrën nuk e ka në hartën e investimeve.
Ndërsa Partia Demokratike me Sali Berishën Kryeminister përgjatë 8 viteve të pushtetit e vlerësoi Shkodrën në qytetin kantier, ku infrastruktura ishte parësore. U investua me themel duke ndikuar në mirëqenien e qytetarëve. Vëmendja, që do të ketë Qarku jonë, me ardhjen e Partisë Demokratike në pushtet pas 11 Majit, është e garantuar për secilin banor. /Deklaratë e PD Shkodër, lexuar nga Izmira ULQINAKU RUSI, këshilltare bashkiake/
