Partia Socialdemokrate ka hapur zyrtarisht fushatën e saj në Shkodër. Pallati i sportit “Qazim Dervishi”, ishte mbushur nga mijëra anëtarë, mbështetës e simpatizantë të kësaj force politike të drejtuar nga Tom Doshi.
Në rrjetet e tij sociale, Doshi përcjell mesazhin e kësaj hapje të fushatës së tij elektorale:
“Kauzat tona lidhen me hallet më jetike të shqiptarëve. Në Shqipëri 80.000 pacientë janë të prekur nga kanceri, 7000 janë prekur nga kjo sëmundje në çdo vit. Shqiptarët kanë nevojë të përfaqësohen nga politikanë që i dëgjojnë dhe u zgjidhin hallet e tyre të përditshme.”, shkruan Doshi, duke shpërndarë edhe një video nga takimi.
