Këto janë momentet kur kreu i PD Lulzim Basha mbërrin në Kurbin, i shoqëruar nga një autokolonë makinash.
Automjetet që shoqëronin kryedemokratin mbanin targa “Zgjedhim të ardhmen”, ndërkohë që nga dritaret e makinave valëvitet flamuri blu i PD-së.
Vlen për t’u theksuar se Lulzim Bashës i është rezervuar një pritje entuziaste në Kurbin, ku në nisje të takimit me demokratët i janë dhuruar trëndafila bardh e blu. Por edhe në këtë takim, nuk kanë munguar përplasjet në mes mbështetësve të Bashës dhe atyre të Berishës. Madje është dashur edhe ndërhyrja e policisë në mes palëve për të parandaluar një konflikt të mundshëm.
Gjatë fjalës së tij, Basha u shpreh se nuk ka asgjë që do të rrëzojë demokratët, ndërsa shtoi se do të ngrihen më të fortë.
