VIDEO – Presidenti Meta udhëton drejt Skocisë, tifozi “VIP” i Selltik Gllazgou në ndeshjen për Ligën e Europës

Presidenti i Shqipërisë Ilir Meta ka udhëtuar drejt Skocisë për të ndjekur ndeshjen Sëlltik-Ferencvarosh e cila luhen pasditen e sotme për Ligën e Europës.

Presidenti Meta njihet si tifoz i madh i skocezëve teksa nuk nguron që herë pas herë të shpërndajë ndeshje të Sëlltikut në rrjetet e tij sociale. E veçanta është se presidenti është pritur nga legjenda e Kombëtares, Rudi Vata.


Ky i fundit jeton prej vitesh në Skoci, pasi dhe djali i tij Roko aktivizohet me ekipet zinxhirë të Sëlltikut. Fotot i ka shpërndarë vetë Presidenti Meta në faqen e tij në ‘’Twitter’’.

Sëlltiku dhe Ferencvaroshi do të përballen ditën e sotme për sfidën në grupe të Ligës së Europës ku mesa duket shqiptarët do të jenë kundërshtarë pasi në fushë për hungarezët pritet sulmuesi i Kombëtares, Myrto Uzuni.