VIDEO – Policia jep versionin zyrtar për aksidentin e rëndë, humbën jetën 4 persona pasi furgoni doli nga rruga

Katër persona kanë humbur jetën si pasojë e një aksidenti të ndodhur në rrugën nacionale Gjirokastër-Sarandë, në vendin e quajtur Muzinë.

Burimet nga policia thanë se mjeti tip “Land Rover” me drejtues shtetasen R.Ç është përplasur me mjetin tip furgon me drejtues shtetasin B.P, ku si pasojë e përplasjes mjeti tip furgon ka dal nga rruga dhe ka përfunduar disa metra poshtë rrugës.


Për pasojë kanë humbur jetën 4 shtetas, të cilët ndodheshin në mjetin tip furgon. Në vendngjarje ndodhet grupi hetimor dhe po punon për zbardhjen e shkaqeve të aksidentit.

Njoftimi i plotë:

Njoftohemi se rreth orës 15:30, në rugën nacionale Gjirokastër-Sarandë, në vendin e quajtur Muzinë, mjeti tip “Land Rover” me drejtuese shtetasen R. Ç. është përplasur me mjetin tip furgon me drejtues shtetasin B. P.

Si pasojë e përplasjes mjeti tip furgon ka dal nga rruga dhe ka përfunduar disa metra poshtë rrugës.

Për pasojë kanë humbur jetën 4 shtetas, të cilët ndodheshin në mjetin tip furgon.

Në vendngjarje ndodhet grupi hetimor dhe po punon për zbardhjen e shkaqeve të aksidentit.