Një ngjarje e rëndë raportohet se ka ndodhur para pak minutave në Shkodër. Në katin e pestë të një pallati në rrugën “Isuf Sokoli”, në afërsi të stadiumit “Loro Boriçi”, kanë shpërthyer flakët. Mësohet se në vendngjarje kanë mbërritur menjëherë efektivat e Zjarrëfikësëve të Shkodrës me 10 efektivë.
Nga informacionet paraprake, flitet për një person, rreth 70 vjeç, i identifikuar si Ismet Abdurrahmani që ka humbur jetën. Nuk është e qartë nëse është asfkisuar apo është djegur. Informacionet paraprake flasin për shpërthim të një bombule gazi…
Shkodër/Informacion Paraprak
Më datë 02.02.2020, në orën 19:20, në lagjen “Ahmet Haxhija” Shkodër, ka rënë zjarr në katin e pestë të një pallati, në banesën e shtetasit I. A. 70 vjeç, i cili si pasojë e zjarrit dhe tymit, ka ndërruar jetë.
Shërbimet e zjarrfikëses kanë vënë në kontroll flakët dhe po punojnë për shuarjen e plotë të zjarrit, si dhe kanë bërë të mundur nxjerrjen e trupit të 70 vjeçarit duke e dërguar në morgun e Spitalit Rajonal Shkodër
Shërbimet e Policisë kanë evakuar banorët me qëllim mos lëndimin apo asfiksimin e tyre nga tymi. Në vendngjarje ndodhet grupi hetimor ku vijon punën për sqarimin e shkakut të rënies së zjarrit.
