Pas tre muajsh garë dhe emocione, është mbyllur turneu “Shkodra Youth Cup”, ku morën pjesë 14 ekipe të shkollave të mesme të qytetit të Shkodrës.
Turneu solli përballje sportive, rivalitet pozitiv dhe mbi të gjitha tregoi pasionin e të rinjve për sportin dhe aktivitetet në grup. Finalja e madhe u zhvillua në një atmosferë festive, me pjesëmarrjen e nxënësve, mësuesve dhe mbështetësve të ekipeve.
“Shkodra Youth Cup” është një iniciativë e Këshillit Vendor Rinor, e mbështetur nga Bashkia Shkodër, me synimin për të promovuar sportin, bashkëpunimin dhe angazhimin e të rinjve në aktivitete sociale e sportive.
Në përfundim të turneut, skuadra e gjimnazit “Oso Kuka” u shpall kampione e këtij edicioni, duke marrë trofeun pas një paraqitjeje të suksesshme gjatë gjithë kompeticionit.
