Ashtu sic ishte paralajmëruar prej ditësh, strukturat e Bashkisë Shkodër kanë nisur sot lirimin e hapësirave publike në qytetin e Shkodrës, ku pas njoftimit 5 ditor në bazë të ligjit, sot Policia Bashkiake ka vijuar aksionin në segmentin nga lagjia Parrucë deri në Xhabije.
Një pjesë e mirë e bizneseve i kanë hequr vullnetarisht hapësirat e zëna me pode dhe struktura metalike, megjithatë struktuat e Bashkisë Shkodër kanë bëre sot edhe pastrimin e elementëve që janë lënë nga bizneset duke pastruar hapësirën për këmbësorët në trotuaret e kësaj rruge në qendër të qytetit.
Aksioni do të vijojë edhe në rrugët dhe hapësirat e tjera të qytetit, sipas nje plani pune të hartuar nga Policia Bashkiake që përfshin trotuaret në rrugët kryesore të qytetit, pjesën e pedonaleve dhe hapësirat e gjelbra që janë zënë nga subjekte biznesi duke zënë hapësirat e qytetarëve.
