Një zjarr është shfaqur rreth mesditës së kësaj të marte në qytetin e Shkodrës. Në rrugën “Koplikej”, një zonë me densitet të lartë banesash, flakët janë vënë re në çatinë e një shtëpie.
Menjëherë janë lajmëruar sherbimet e zjarrëfikëseve dhe të policisë, të cilat nuk kanë vonuar të jenë në vendngjarje. Fatmirësisht, falë zjarrëfikëseve, flakët janë shuar duke parandaluar rrezikun e përhapjes në banesa të tjera pranë.
Siç e shihni edhe nga pamjet, në këtë zonë banesat private janë pranë njëra- tjetrës dhe flakët mund të përhapeshin lehtësisht. Akoma nuk ka një version zyrtar për shkakun e shfaqjes së zjarrit.
Shkodër/Informacion paraprak
Rreth orës 12:30, në lagjen “Daniel Matlia”, dyshohet se aksidentalisht, gjatë punës për izolimin e tarracës së mobilierisë së shtetasit I. K., ka rënë zjarr. Si pasojë, janë shkaktuar vetëm dëme materiale në ambientet e mobilierisë.
Shërbimet e Policisë dhe të zjarrfikëses kanë shkuar menjëherë në vendin e ngjarjes dhe po punojnë për të shuar zjarrin.
Ndërkaq, grupi hetimor po heton për të përcaktuar shkakun e rënies së zjarrit.
