Për herë të fundit ka hyrë dhe ka dalë në shtëpinë e tij të dytë Fadil Kraja, Mjeshtër i Madh dhe shkrimtar i përmasave të mëdha në hapësirën mbarëshqiptare. Teatri “Migjeni” ka hapur dy<ert për përcjelljen e njërit prej përfaqësuesve më të denjë dhe që ka lënë gjurmë të pakrahasueshme me të tjerë.
Artistë, aktorë, kolegë të të ndjerit, i kanë shprehur ngushëllimet familjarëve. Dhjetra kurora e tufa me lule nga autoritetet vendore e qendrore, emra të njohur të skenës e ekranit, të cilët patën fatin të bashkëpunojnë me Krajën e madh apo të interpretojnë krijimet e tij të panumërta.
Natyrisht, nuk mungojnë as qytetarët e thjeshtë, admirues të Fadilit por edhe të artit të tij. Në orën 12.00, disa fjalë zemre vlerësimi për Mjeshtrin e Madh nga kryetari i Shoqatës së Shqimtarëve të Shkodrës Zija Vukaj. E më pas, arkëmorti nis rrugëtimin e fundit në rrugët e qytetit të Shkodrës për tu prehur në banesën e fundit.
Ashtu siç e meritonte dhe siç ndodh me artistët e mëdhenj, shpërthejnë duatrokitjet. Sepse Fadil Kraja duhet të përcillet me duatrokitje edhe në ditën e fundit fizikisht në mesin tonë. Është vetëm një ndarje fizike, sepse ai do të vijojë të jetë mes nesh përmes perlave të pendës e mendjes së tij që fatmirësisht, do ti kalojnë edhe brezave. /ShkodraWeb/
