Partia Demokratike ka organizuar sot një sërë protestash në të gjitha degët e saj. Në Tiranë para Kryeministrisë dhe në rrethe para komisariateve apo drejtorive të policisë, drejtues e antarë të PD- së kanë zhvilluar një protestë të heshtur.
Në Shkodër, protesta është zhvilluar para Drejtorisë së Policisë së Qarkut Shkodër. Drejtues por edhe antarë të thjeshtë të PD- së, janë mbledhur para ndërtesës, duke mbajtur në duar qirinj të ndezur.
Në krye të protestës ka qenë kryetari i sapozgjedhur i PD- së Shkodër, Gjenarin Kapcari, i cili ka përcjellë edhe mesazhin e tij për mediat. Pas ngushëllimeve për familjen e të ndjerit Ilvi Meta Kapcari ka kërkuar drejtësi për 31 vjeçarin që vdiq në rrethana misterioze brenda komisariatit të policisë.
Në vijim, Kapcari ka thënë se PD është përfaqësuese legjitime jo vetëm e demokratëve por të gjithë shqiptarëve, duke kërkuar drejtësi për të riun 31 vjeçar.