Teksa Këshilli Bashkiak i Lezhës miratoi vendimin për rritjen e pagave në bashki, të diktuar nga qeveria, përfaqësuesja e Partisë Demokratike, Donika Ndoj, ngriti shqetësimin se në këtë njësi vendore po mbahen në punë persona që kanë mbushur moshën e pensionit, si edhe individë që, sipas saj, paguhen fiktivisht pa u paraqitur fare në punë.
Akuzave iu përgjigj kryetari i Bashkisë së Lezhës, Pjerin Ndreu, i cili pranoi faktin se ka persona të cilëve u është shtyrë mosha e pensionit, pasi nuk janë gjetur specialistë për t’u zevendesuar.Por ai hodhi poshtë akuzat se mund të ketë persona që paguhen pa u paraqitur në punë.
Pjesa më e madhe e përfituesve nga indeksimi i pagave në Bashkinë e Lezhës janë punonjësit që kishin pagë minimale. Sipas kategorive përkatëse, paga e tyre është rritur nga 10 deri në 15 mijë lekë të reja. /LezhaPress/
VIDEO E DITËS | Punonjësi i policisë private “Breçani Security” godet me grusht protestuesin në Baks- Rrjoll të Velipojës
