Të nderuar gazetarë, të nderuar banorë të Shkodrës! Kjo dalje për mediat vjen në një moment te rëndesishëm për qytetin e Shkodrës, për funksionimin e Këshillit Bashkiak dhe të vetë jetës qytetare.
Fushata elektorale, në të cilën ndodhen aktualisht partite politike, po ndikon drejtpërdrejt edhe në jetën e përditshme të qytetit. Një rast tipik eshtë ai i mbledhjes së kaluar, ku këshilltarët e PSD-së dhe të PD-së bojkotuan vendime të rëndësishme për funksionimin normal të gytetit.
Vendime që duhet të qëndrojne larg interesave të ngushta partiake dhe të mos përdoren për qëllime elektorale. Bllokimi i mbledhjes së kaluar do t’u kushtojë banorëve të Shkodrës, fillimisht, në plazhin e Velipojës. Mospasja e një vendimi përkatës bën që te mos kemi një strukturë të mirefillte për menaxhimin e plazheve me mime te lira për pushuesit shkodranë, si dhe për garantimin e kushteve dhe standardeve më të larta për Velipojën – destinacionin kryesor turistik të Shkodrës.
Mosmiratimi i shtesës në buxhetin e bashkisë Shkodër në vlerën 220 milion lekë është krejtesisht e pajustifikueshme (Transfertë e kushtëzuar nga Buxheti i Shtetit per Emergjencat Civile per vitin 2025 per parandalimin e reabilitimin e objekteve në mbrojtje të jetës dhe pronës së banorëve.
E njëjta situatë vlen edhe për “Kinema Republikën”, ku mungesa e vendimit ka lënë këtë institucion të rikthyer per publikun pa premierat më te fundit dhe pa pajisjet teknologjike të nevojshme, të parashikuara në projektin e sjellë nga Bashkia Shkodër.
Mosmiratimi i marrëveshjes së bashkëpunimit ndërmjet Bashkisë Shkodër, Këshillit Bashkiak dhe projektit “Bashki të forta” financuar nga Agjencia Zvicerane për Zhvillim dhe Bashkëpunim dhe nga Qeveria së Suedisë cënojnë besueshmërinë dhe seriozitetin me partnerët e huaj.
Funksionaliteti i Këshillit Bashkiak dhe marrja e vendimeve në interes të gytetarëve të Shkodrës eshtë një detyrë për çdo keshilltar, që me vullnet ka zgjedhur të jetë përfaqësues i qytetarëve në sallën më të rëndësishme të qytetit.
Mendoj se ka ardhur momenti që të tregojmë qytetari përgjegjshmëri – dhe të lëmë pas interesat politike, për ti shërbyer Shkodrës, jo me bllokime, por me vendime të drejta, pa ndikim politik, dhe në funksion të banorëve të saj.
