VIDEO – Pas lagjes “Guerrile” në tjetër banesë shkrumbohet nga zjarri në Dudas të Shkodrës, 4 familje në qiell të hapur

4 familje kanë mbetur pa strehë në Shkodër, pasi banesa ku ata jetonin është përfshirë nga zjarri i cili nuk kurseu asgjë. Ngjarja ndodhi rreth orës 13:15 minuta të ditës së sotme në lagjen “Dudas”.

Banesa i përkiste familjes Halili, ku disa prej anëtarëve ndodheshin në shtëpi kur ra zjarri. 3 mjete zjarrfikëse kanë ndërhyrë për të izoluar flakët që të mos digjeshin banesat ngjitur, ndërsa shtëpia e familjes Halili u shkrumbua e gjitha.

Shkak dyshohet se ka qenë një shkëndijë elektrike. Ndërkohë edhe një ditë më parë një banesë në lagjen “Guerrile” të Shkodrës u përfshi nga flakët.

Zjarri në banesë u përhap me shpejtësi dhe shkaktoi dëme të mëdha materiale, teksa fatmirësisht nuk pati të lënduar.