Kompania e pastrimit të qytetit të Shkodrës, është rikthyer në detyrë në orët e vona të mbrëmjes së kaluar (e merkurë). Kompania është rithirrur nga Bashkia Shkodër për të rikthyer normalitetin pas dy ditëve probleme me evadimin e mbetjeve urbane.
Gjatë gjithë natës, në zona të ndryshme të qytetit, kanë punuar 8 mjete dhe 4 fadroma për evadimin e mbetjeve urbane. Parashikohej punë gjatë gjithë natës, me shpresën e rikthimit të normalitetit.
Në krye të punës ishte përgjegjësi për pastrimin e qytetit i kompanisë, Henri Faci, i cili tregon punën që po bëhet por edhe vështirësitë për largimin e një sasie shumë të madhe të mbetjeve urbane të Shkodrës.
Edhe punonjësit e kompanisë së pastrimit shprehin shqetësimin e tyre. Për shkak të mosevadimit mbetjeve për 48 orë, janë krijuar pirgje të shumta me mbetje, duke rritur deri në 3 fish ngarkesën e punës për punëtorët e pastrimit.
Ata shpresojnë që situata të tilla të mos përsëriten në të ardhmen, teksa në orët në vijim pritet që situata ti rikthehet gradualisht normalitetit.
Për bashkëpunime, publikime reklamash, njoftimesh në ShkodraWeb, mund të shkruani në SMS, Whatsapp, Viber +355 67 300 20 70 ose mail: info@shkodraweb.com në çdo kohë!
