Në këtë ditë të rëndësishme për demokracinë dhe Shqipërinë Europiane, në emër të Prtisë Socialiste , shprehim mirënjohjen më të thellë për çdo votues nga i gjithë qarku i Shkodrës që ka marrë pjesë në procesin zgjedhor deri tani. Pjesëmarrja juaj është dëshmi e një qytetarie të lartë dhe e një përkushtimi të sinqertë.
Procesi ka vijuar qetësisht dhe me dinjitet, falë ndërgjegjësimit dhe përgjegjësisë që kanë treguar banorët e këtij qarku, me përgjegjësi të thellë për këtë proces.
Ndërkohë që jemi në orët e fundit të votimit, i bëjmë thirrje të gjithë atyre që ende nuk e kanë shfrytëzuar të drejtën e votës, të nisen drejt qendrave të votimit. Ka mbetur edhe pak, deri në orën 19:00. Çdo votë është e vlefshme. Çdo votë ka ndikim. Çdo votë është një hap përpara për qarkun tonë.
Mos e lini për nesër atë që mund të vendosni sot. Vota është mjeti më i fuqishëm që kemi në dorë për të ndërtuar një të ardhme më të mirë për Shkodrën, Malësinë e Madhe, Vau Dejësin, Pukën, Fushë Arrëzin dhe çdo komunitet tjetër të këtij qarku.
