Partia Demokratike e Shkodrës, voton sot për të zgjedhur drejtuesin e ri për 4 vitet e ardhshme. Sipas listave zyrtare, rreth 7200 anëtarë me rezidencë në territorin e Bashkisë Shkodër, janë të ftuar të shprehin preferencën e tyre.
Votohet në hollin e teatrit “Migjeni” nga ora 08:00- 18:00, me parimin “një anëtar, një votë”. Në garë janë Ardit Çylybyli dhe Gentian Ibro, të cilët kanë ardhur si kandidatura nga Kryesia e PDSH- së. Vlen të theksohet se dy kandidatët, kanë qendruar në afërsi të ambjenteve të votimit, të dy së bashku.
Në orët e para të votimit, shihet interes i lartë për të marrë pjesë në votim. Në tre komisionet e votimit të ngritura, shihet fluks i lartë votuesish. Ndërkohë, ka patur raste që anëtarët nuk kanë gjetur emrin në lista dhe pavrësisht teserës dhe ID- së përsonale, nuk janë lejuar të votojnë. /ShkodraWeb/
