Siç ishte paralajmëruar, këtë të premte në Nju Jork, Parashqevi Simaku ka takuar djalin e tij Luke dhe ish- bashkëshortin Robert. Takimi është koordinuar nga Elton Ilirjani, i cili prej rreth 3 javëve, po qendron shumë afër Parashqevisë.
Takimi mes djalit, ish- bashkëshortit dhe Parashqevisë, ka ndodhur pas gati 15 viteve, kohë gjatë të cilës këngëtarja shqiptare kishte humbur kontaktet, duke përfunduar si e pastrehë deri sa u gjet nga Elvira Tata në një stacion treni në Nju Jork.
Takimi është përshkruar nga emocione shumë të forta, jo vetë nga Parashqevia, djali dhe ish- bashkëshorti por edhe ata që ishin të pranishëm si nipi Ari Simaku, Elvira Tata dhe Elton Ilirjani.
Parashqevi: Ai është nervoz! Faleminderit Zot, Zoti të bekoftë ty Elton
Luka: Ndihem mirë. E dua mamin
