Papa Françesku është ndarë nga jeta mëngjesin e kësaj të hëne të Pashkëve katolike në moshën 88-vjeçare. Lidhja e tij me Shqipërinë e shqiptarët ka qenë e veçantë, duke nisur me vizitën në vendin tonë, e para jashtë Italisë pas zgjedhjes së kreu i Kishës Katolike. Po ashtu, ishte Papa Françesku që krijoi kardinalin e vetëm shqiptar aktualisht, Ernest Simoni Troshani.
Pikërisht ky i fundit, ditën e sotme, pasi është marrë vesh vdekja e Atit të Shenjtë, ka dhënë një mesazh video. Kardinali shqiptar, ngushëllon gjithë besimtarët e krishterë dhe Vatikanin për humbjen e Atit të Shenjtë – sot në mëngjes, të Hënën e Pashkës.
Kardinali kujton gjithashtu vizitën e Papa Françeskut në tokën shqiptare para 10 vjetësh, udhëtimin e tij të parë ndërkombëtar si Papë, si dhe marrëdhënien e tyre tejet të veçantë.
