Biznesmeni i njohur Gjergj Luca, vijon prej javësh fushatën e tij elektorale në mbështetje të mazhorancës aktuale dhe kryeministrit të vendit Edi Rama. Këtë të enjte, ai ka qenë në Shkodër, për të vijuar mbështetjen ndaj Partisë Socialiste.
Në një video të publikuar në rrjetet sociale, Luca është shfaqur para ndërtesës së Bashkisë Shkodër, ku ka takuar një nga kandifdatët e PS- së për Qarkun Shkodër, të cilin e konsideron edhe si kushëri.
“Shkodra po merr frymë prej pastërtisë e prej investimeve. Shkodra po zgjeron kapacitetet mikpritëse për miq e vizitorë. Shkodra e Benet Becit po i jep shembullin Shqipërisë si menaxhohet pushteti lokal… Nga Dukagjini e deri poshtë në Velipojë, Shkodra nuk është as blu e as e kuqe, Shkodra është plot energji, është thjesht numri 5 i njerëzve të punës. Faleminderit miqtë e mi sepse e di që ju do votoni progresin në datën 11 maj!”, shkruan biznesmeni Gjergj Luca në komentin që shoqëron videon e tij në Shkodër.
