Biznesmeni i njohur Gjergj Luca, ka dalë haptas në mbështetje të Partisë Socialiste në zgjedhjet e 11 maj 2025. Ai është shfaqur në një takim të kandidatit socialist Damian Gjiknuri, ku ka mbajtur edhe një fjalë mjaft të gjatë.
Videon e pjesëmarrjes në takim por edhe fjalën e tij, Gjergj Luca e ka publikuar vetë në rrjetet sociale, duke treguar se ka qenë i pranishëm pa ngurrim, në këtë takim, duke shënuar edhe fillimin zyrtar të mbështetjes për partinë në pushtet në Shqipëri prej 12 vitesh.
“Më akuzojnë pa fund edhe sikur kam përlarë liqenin e Butrintit në Sarandë por unë i shkreti thjesht u kam përlarë zemrat rritësve dhe peshkatarëve të midhjeve, atyre që janë të zotët e atij liqeni. Ndaj nuk ngurova të jem aty në takimin elektoral të deputetit Damian Gjiknuri për mbështetje dhe përkrahje, për punë dhe vetëm punë!”, shkruan Gjergj Luca në publikimin në rrjetet e tij sociale.
