Një grupim i studentësh të degës juridik në universitetin “Luigj Gurakuqi” kanë thyer xhamin e derës të godinës së re të Fakultetit të Shkencave të Natyrës. Kjo protestë e tyre erdhi pasi studentët pretendonin se godina e re duhej hapur në ditët e para të muajit prill. Pas këtyre veprimeve dhe xhamit të thyer, tek godina e re mbërriti rektori i universitetit të Shkodrës Adem Bekteshi.
Më pas në ambjentet e universitetit ka mbërritur dhe policia por rektori ka ndërhyrë duke u thene forcave të rendit se kjo është një cështje që do e zgjidhet brenda universitetit pa pasur nevojë ndërhyrjen e policisë .
Studentët e përfshirë në këtë protestë janë shprehur se janë të vendosur në kërkesën e tyre për hapjen sa më parë të godinës së re të fakultetit të shkencave të natyrës ose në të kundërt do të vijojnë me protesta. Në ditët në vazhdim priten të merren masat për studentët të cilët u përfshinë në ngjarjen e sotme ku u thye me gure xhami i derës hyrëse të godinës së re .
