VIDEO – “Nuk ishte penallti…”, Josa pas fitores së Vllaznisë me Kukësin: Nuk luajti vetëm Mala por gjithë ekipi

Takimi Vllaznia-Kukësi, i vlefshëm për kampionatin shqiptar përfundoi 2-1. Menjëherë pas 90 minutëshit për mediat foli trajneri i shkodranëve, Mirel Josa.

“Do e ndaja në dy etapa. Pjesa e parë që ishim superiore në të gjitha drejtimet. Duhet të dyfishonim rezultatin. Pjesën e dytë Kukësi bëri ndryshime. Ne duhet të ishim të kujdesshëm. Jam i kënaqur sidomos me çerek orëshin e fundit. Kishin dëshirë më tepër. Mund të ishte dhe barazim 1 me 1 dhe nuk do thonim këto fjalë. Arritëm të fitonim një ndeshje me kundërshtar direkt, që duhet ta fitonim. Vlerësojmë lojën e Kukësit që na vendosi në vështirësi.


Penalltia- Nuk mund të jetë penallti e mohuar sepse e ka parë VAR. Ishin momentet e fundit, kështu do festoj në çdo ndeshje.

Humbje jo se ishte me Erzenin, por ta bën më të vështirë përgatitjen. Dhe mënyrë si humbëm ne më solli shumë dilema. Ndeshjet të gjitha të vështira do jenë. Na pret ndeshje me Tiranën shumë e vështirë. Duhet të jemi me këmbë në tokë. Duhet të respektojmë kundërshtarët, nuk fitohet kampionati pa filluar akoma.

Kukësi kishte zgjedhje të tjera. Mendoj se dhe Basha që nuk ishte në gjendje të mirë, na e lehtësoi pak punën. Thamë mos të ndryshonim një herë sepse në 85’ minuta dolëm 1-2 herë për të dyfishuar rezultatin. Duhet të ishim më të kujdesshëm.

Latifi- Latifi është i dëmtuar në kavilje, do shohim si do shkojë nesër. Fitorja na ndihmon për 3 pikët” – tha ai.