Një ngjarje e rëndë ka ndodhur në Shkodër këtë të premte. Dyshohet se një person, grua, është vrarë nga bashkëjetuesi i dentifikuar si 57-vjeçari Brandon Saporito, shtetas amerikan, dhe akti ka ndodhur brenda familjes. Forca të policisë ndodhen në vendngjarje, në afërsi të Kishës Françeskane në qytet.
Shkodër/Informacion paraprak
Rreth orës 10:15, në rrugën “At Shtjefën Gjeçovi”, në një banesë të marrë me qira, dyshohet se është vrarë me mjet prerës, shtetasja amerikane, S. S.
Në banesë u gjet bashkëjetuesi i saj, shtetas amerikan, i cili dyshohet se është autori i vrasjes. Ky shtetas u shoqërua në spital për ndihmë mjekësore, pasi dyshohet se është në gjendje të dehur dhe ka dëmtime të lehta, në duar, me mjete prerëse.
Grupi hetimor, në drejtimin e Prokurorisë, po punon për zbardhjen e rrethanave dhe për dokumentimin ligjor të rastit.
Shkodër/Informacion shtesë
Në vijim të informacionit të dhënë në lidhje me ngjarjen në lagjen “At Shtjefën Gjeçovi”, informojmë se autori i dyshuar i vrasjes së shtetases amerikane, S. S., 54 vjeçe, është bashkëjetuesi i saj, shtetasi amerikan, B. S., 57 vjeç.
Grupi hetimor, në drejtimin e Prokurorisë, vijon punën për sqarimin e rrethanave të këtij rasti.
