Myftiu i Shkodrës, imam Muhamed Sytari është mjaft aktiv në media dhe rrjetet sociale me mesazhet e tij. Ai përcjell përmes tyre, histori apo episode interesante, duke dashur të përçoj tek besimtarët por edhe qytetarët në përgjithësi, mesazhe paqeje, mirëkuptimi, respekti, tolerance, bashkëpunimi pavarësisht besimeve fetare.
Imam Sytari ka publikuar një video, me atë të cilës ai përcjell një mesazh shumë të rëndësishëm. Mesazhi i tij vjen përmes një historie, përjetimi në vetë të parë, të një episodi në qendër të të cilit është kardinal Ernest Troshani.
Për të gjithë ata që e dëgjojmë e shikojnë këtë video, mesazhi është shumë i qartë dhe që duhet të kihet parasysh nga të gjithë njerëzit vullnetmirë. Imam Sytari por edhe udhëheqësit e tjerë fetarë në Shkodër, që pas vitit 1990 kur u rikthye liria e besimit në Shqipëri, kanë qenë në ballë të promovimit të vlerave më të mira.
Kontributi i tyre për Shkodrën e Shqipërinë, është i një rëndësie të dorës së parë, kontribut që ka vazhduar e do të vazhdojë pa u ndalur në shërbim të shkodranëve e shqiptarëve brenda e jashtë vendit.