Vllaznia kryesuese e Abissnet Superiore, do të luajë të dielën një transfertë të lehtë në letër. Përballë është Flamurtari, i cili po lufton për të qendruar në elitën e futbollit shqiptar, duke kërkuar të shfrytëzojë maksimalisht faktorin fushë në Vlorë. Në daljen e zakonshme për mediat, futbollisti kuqeblu Sherif Kallaku, vlerëson ekipin e Flamurtarit pavarësisht renditjes, por thotë se synimi i Vllaznisë edhe në këtë përballje, janë 3 pikët.
Ndërsa lidhur me humbjen e fazes së parë, pikërisht në Vlorë ndaj Flamurtarit, ku ekipi shkodran hyri në një faze aspak positive disa javore, Kallaku thotë se vlerësimi është maksimal për çdo kundërshtar.
Vllaznia vjen në këtë ndeshje duke qenë jo vetëm kryesuese por edhe në katërshen e ekipeve të Kupës së Shqipërisë. Por duhet theksuar se ky sezon ka treguar se në fushën e blertë, ndryshe nga renditja e Abissnet Superiore, diferencat e ekipeve janë shumë të vogla.
