VIDEO – “Në një rast ka kryer shkelje, në tjetrin jo”, KQZ merr vendimin për Majlinda Angonin pas denoncimit të “Qendresa Qytetare”

Komisioni Qendror i Zgjedhjeve i ka dhënë fund hetimit administrativ për denoncimin e “Qendresa Qytetare” ndaj ish- kandidates për kryebashkiake e Shkodrës Majlinda Angoni.

Komisioneri Shtetëror i Zgjedhjeve Ilirjan Celibashi, ka dhënë edhe vendimet e tij. Lidhur me denoncimin për Anën e Malit, ku Angoni dhe Haki Çako vizituan familjen që iu dogj banesa, Celibasi ka thënë se nuk ka shkelje administrative në fushatln zgjedhore sepse Angoni nuk ishte akoma kandidate.

Lidhur me shfrytëzimin e ambjenteve të një qendre shendetësore në Rrethina për spotin elektoral, Celibashi e ka cilësuar shkelje për Angonin dhe drejtoreshën e qendrës shendetësore, duke paralajmëruar propozime për masa administrative në KAS.

Në shqyrtim ka qenë edhe një tjetër denoncim për ish- kandidatin Xhemal Bushati, çeshtje që pas kerkesës së avokatit Marash Logu, u shty për tu shqyrtuar në një seancë tjetër publike.