Kjo ka qenë gjendja e lagjes “Liria” për shumë vite. Rrugë të amortizuara, mungesë kanalizimesh funksionale dhe ndriçim i pakët kanë shoqëruar përditshmërinë e qindra banorëve të kësaj zone.
Lagjja u inspektua nga kryetari i Bashkisë Shkodër, Benet Beci, i cili njoftoi nisjen e ndërhyrjeve që do ta kthejnë këtë lagje, në një hapësirë funksionale dhe tërheqëse. Punimet përfshijnë sistemimin e hapësirave publike, rrjetin e kanalizimeve të ujërave të zeza dhe atyre të bardha, si dhe vendosjen e sistemit të ndriçimit.
Kjo ndërhyrje e Bashkisë Shkodër nuk është vetëm për infrastrukturën, por për dinjitetin e banorëve të lagjes “Liria” dhe për ta kthyer portën e Shkodrës në një hapësirë funksionale e tërheqëse për qytetarët dhe vizitorët.
