Është ndarë nga jeta në moshën 91- vjeçare shkodrani i mirë, Adnan Muka. Një emër i mirënjohur, i respektuar dhe i vlerësuar në kontributin e tij për Shkodrën. Në videon më poshtë vjen një rrëfim shumë i veçantë për gazetarin Ardian Hoti për podcast- in e Bashkisë Shkodër “Gjurmë zërash”, ku Muka ishte personazh.
Ai spikati për pasionin e rrallë për lulet e të gjitha llojeve, duke e kthyer edhe banesën në një lloj kopështi botanik, duke u kujdesur personalisht me shumë dëshirë.
Pasioni i tij do të niste para më shumë se 6 dekadash, në vitin 1965, pas lirimit të babait nga burgimi gjatë regjimit diktatorial dhe vazhdoi gjatë gjithë jetës, duke numëruar mbi 50 lloje lulesh, disa prej të cilave i emërtonte me emra të familjarëve dhe miqve.
ShkodraWeb i shpreh ngushëllimet familjarëve, të afërmëve, miqve dhe të njohurve të të ndjerit Adnan Muka.
