Kryeministri Edi Rama ka zhvilluar sot disa takime në Shkodër. Pasi ka përfunduar takimin në kinema “Republika”, Rama i shoqëruar nga mbështetës të tij, ka kaluar pranë stendës së vendosur nga kandidatja për deputete e PD- ASHM, Senada Mehmeti. Kjo e fundit, për këtë moment, ka reaguar në rrjetet sociale, duke publikuar një mesazh të shoqëruar me një video të shkurtër.
“Narkoshteti diktatorial nuk na tremb. Në zemër të Shkodrës, përballë Edi Ramës – sy më sy – i thamë të vërtetën që pushteti i tij do të donte ta fshihte. Shqipëria nuk është e krimit. Nuk është e frikës. Është e njerëzve të lirë që nuk përkulen! Koha e mashtrimeve ka mbaruar. Zëri i qytetarëve do të tronditë çdo bunker pushteti!”, shkruan Senada Mehmeti në publikimin e saj në rrjetet sociale.
